Ikipe y’APR FC yamaze kwibikaho umukinnyi ukomoka muri Ghana wigeze kuvugwaho kugurisha imikino.

Umukinnyi Richmond Lamptey ukumoka mu Gihugu cya Ghana kurubu yamaze gusinya amazezerano ye mu ikipe ya APR FC,ubusanzwe yakiniraga ikipe y’iwabo yitwa Asante Kotoko.

Uyu musore n’umwe mubahanga bakina mukibuga hagati bafasha abataka gusatira izama kurubu yamaze gusinyishwa n’iyi kipe ifasha n’ingabo z’igihugu amasezerano y’imyaka 2.

Richmond yavutse talilki ya 18 z’ukwezi kwa 3 mu 1997, avukira mu murwa mukuru wa Ghana i ACCRA. Atangira gukina ruhago yahereye m’ikipe y’abato ya West African Football Y’abatarengeje imyaka 13, maze muri 2015 aza kuzamurwa mu ikipe nkuru. Yahakinnye Imyaka 3 ndetse no mu 2017 aza kuyifasha gusoreza ku mwanya wa 3, ukaba umwanya mwiza iyi kipe yaribonye mu mateka yayo.

Yaje gukina imikino 26 muri uwo mwaka, atsindamo igitego 1 ndetse anatanga imipira 6 yavuyemo ibitego.Kubera kwitwara neza byatumye aza gushakwa n’amakipe atandukanye gusa ahitamo kwerekeza mu ikipe ya International Allies muri 2018.

Nyuma Y’umwaka umwe gusa yahise atizwa mu ikipe ya Lebanese League ariko naho ntihatinze aza kuagruka muri International Allies.
muri 2020-2021,Richmond yakinnye imikno 30,atsindamo ibitego 3 atanga imipira 4 yavuyemo ibitego ndetse anatsundira ibihembo by’umkinnyi mwiza w’umukino ku mikino 4 itanduknye.

Umwaka wa 2021 ni umwaka kandi utaramubereye mwiza dore ko yaje guhagarikwa amezi 30 azize ibikorwa byo kugurisha imikino no kugena uko iri bugende gusa aza kujurira birangira akuweho ibihano yari yafatiwe ndetse anishyurwa amafaranga y’impozamarira.

Ibyo guhagarikwa ntibyamubujije kwerekeza mu ikipe ya Asante koko aho yari agikina kugeza ubu Richmond Lamptey yari amaze kuyikinira imikino 51 akaba yaratsinzemo ibitego 4.

muri 2021 yahamagawe mu ikipe y’Igihugu ya Ghana nkuru ayikinira umukino umwe gusa.

Karim Clovis GATETE